Hinterher is ma immer gscheiter, wia ma's vorher besser macha hätt soin. Es waar scho besser, wenn ma vorher wissat, wia's hinterher waar. Wenn ma oba vorher wissat, wia's hinterher waar, dat ma's dann vorher aa ändern? - Wenn ma's nämlich vorher ändern dat, nacha waa'rs hinterher anders. Wenn's oba hinterher anders waar, nacha miassat ma's vorher net ändern, weil's nacha vorher aa schon anders g'wesen waar. Ma miassat vorher scho überlegt hom, wia's hinterher g'wesen sei dat, wenn ma's vorher überlegt hom dadat.